venres, 5 de decembro de 2014

"Los Soprano"

Deixámosvos aquí os vídeos da última intervención no Parlamento galego do deputado de AGE, Antón Sánchez, en relación ao proxecto mineiro de Corcoesto.
No primeiro deles vemos como Antón Sánchez pide ao conselleiro de Industria, Francisco Conde, que aclare se son ou non verdade unhas supostas declaracións do director do Igape, Javier Aguilera, transcritas dunhas gravacións feitas pola empresa Mineira de Corcoesto, e incluídas no recurso de reposición presentado por esa empresa.
Nestas supostas declaracións o director do Igape afirmaba ter avalado o proxecto da mina a ceo aberto en Corcoesto durante unha cea coa empresa e antes de coñecer o proxecto.
 

Neste outro, e diante da falta dunha resposta clara por parte do Conselleiro, Antón Sánchez acúsao de "irse polos cerros de Úbeda". 
O deputado remata dicindo que "...isto non é Salsa Rosa nin Sálvame de Luxe, é Los Soprano", en clara alusión aos aparentes trapicheos habidos entre empresa e Consellería. 






Ningún comentario:

Publicar un comentario

Deixa aquí os teus datos para apoiar o manifesto.