Mineira de Corcoesto e as mentiras sobre a auga
Un dos problemas que trae consigo a
minaría de ouro é o do consumo de auga.
Un proxecto destas características ten
un enorme consumo de auga, e, consecuentemente, a redución da
cantidade de auga que se pode destinar a outros usos.
No proxecto fálase dun consumo duns 1.400.000 m3 anuais, entre a
auga captada da chuvia (432.695) e a auga obtida de recursos
subterráneos (967.305)
1.400.000 m3 equivalen a 1.400.000.000
litros, xa que un metro cúbico ten 1000 dm3, ou, o que é o mesmo,
1000 litros
Se dividimos 1.400.000.000 litros/ano entre 365 días que ten o ano, obtemos a cifra de 3.835.616 litros /día, ou, o que é o mesmo, 3.835 metros cúbicos.
Se dividimos 1.400.000.000 litros/ano entre 365 días que ten o ano, obtemos a cifra de 3.835.616 litros /día, ou, o que é o mesmo, 3.835 metros cúbicos.
Sen embargo, esa cantidade é moi diferente da que a empresa mineira
manexa nunha publicidade (con aspecto de artigo informativo, pero
publicidade ao fin e ao cabo) recentemente saída na prensa.
Non deixa de ser curioso que expoñan unha cantidade no proxecto e outra moi diferente nos medios de comunicación. En cal dos dous textos nos están enganando? Tal vez nos dous?
Non deixa de ser curioso que expoñan unha cantidade no proxecto e outra moi diferente nos medios de comunicación. En cal dos dous textos nos están enganando? Tal vez nos dous?
Nesa
mesma publicidade afirman o seguinte:
"A
auga precisa para o tratamento do mineral rolda os mil metros cúbicos
ao día -xa vimos que é moito máis-, que se obterán exclusivamente da chuvia e das augas
subterráneas"
Vaia,
iso déixanos moito máis tranquilos! Porque se a van quitar da
chuvia non nola quitan a nós... É iso o que están insinuando?
Tratan de dicir que total se a collen da chuvia é como se non a
consumisen?
Sabe
esta xente o que é o ciclo da auga?
A auga que hai no planeta está aquí desde o principio, é sempre a mesma.
A auga que hai no planeta está aquí desde o principio, é sempre a mesma.
Sobe
e baixa, vai para as nubes e volve para o chan. Pode estar en forma
de vapor, de auga ou de xeo; pode estar máis limpa ou máis
contaminada...pero segue a ser a mesma.
E
toda auga que se quite dese ciclo para un uso estase privando para
outros usos. Tanto ten se se colle dun río, da chuvia ou das augas
subterráneas: a auga que se usa para a minería estase detraendo de
outros posibles usos, sexa para regar os campos, para dar de beber ao
gando ou para facer medrar a herba.
Ademais,
todos eses millóns de litros de auga pasarían a ser, despois do seu
uso na mina, litros de auga contaminada.
Que
repercusión pode ter para a economía da zona, baseada en
actividades sustentables como a gandaría e a agricultura, este
alarmante consumo de auga? É un tema que non aborda nin o proxecto
nin o seu Estudo de Impacto Ambiental, cheo de carencias.
Segundo
a Directiva Marco da Auga, “A auga non é un ben comercial como os
demais, senón un patrimonio que hai que protexer, defender, e tratar
como tal”. Estase atendendo a esta normativa ao facer uso dun
volume tan importante de auga para atender as necesidades dunha
empresa mineira, en detrimento de outros usos da mesma que son importantes
para a nosa economía?
Nesa
Directiva insístese na importancia de aplicar o principio de cautela
á hora de determinar as substancias perigosas prioritarias, algo que
en ningún modo se fai neste proxecto, onde calquera substancia
parece ser inocua.
A
cautela é algo que non vai con esta xente. Cianuro? Non pasa nada.
Arsénico? Malo será!!
En kuwai a auga e mais cara que o petroleo.... Mira que ricos somos e esa riqueza estragamola dandioya a lavar ouro... Algun dia futuras xeracions lamentaran que os seus ancestros non pelexaran por defender o que a natureza nos agadallon... A mellor forma de predecir o futuro e manter o presente.
ResponderEliminar